Reba Video

Reba Video

Urukundo

Amani Hakizimana aka Ama-G

Amani Hakizimana aka Ama-G
Umuhanzi Ama-G The Black amazina ye nyakuri yitwa Amani Hakizimana. Yavutse kuwa 4 Nyakanga 1990, avukira mu Ruturusu, i Remera mu Mujyi wa Kigali. Ni mwene Aboul Karim Ngayabateranya na Saphina Bankundiye. Ni uwa 2 mu muryango w’abana 5. Atuye mu Kajagari i Kanombe. Ni umwe mu bahanzi bagaragaza ko bafitiye ishyaka umuziki, by’umwihariko umuziki wa Hip Hop. Yatangiye ubuhanzi bwe nyuma mu mwaka wa 2004 mu kwezi kw’Ugushingo, ahereye ku ndirimbo yise ‘Turagarutse’ yakoreye muri Studio ya Emile Nzeyimana.

Uyu muhanzi nyuma yaje gusohora indirimbo nka ‘Urugendo’ akomeza gukorana n’aba bahanzi bakorera mu itsinda rya Tuff Gangz, by’umwihariko Bull Dog. Yaje kongera gukora indirimbo yise ‘Ndamukunda’ ayikorana n’abahanzi ‘Danny’ hamwe na Dre D Andre. Uyu muhanzi kandi yaje gukorana indirimbo yitwa ‘Nsobanukirwa’ ayikorana n’umuhanzi P-Fla.

Yaje kurushaho kumenyekanira mu ndirimbo ’Jalousie’ yakoranye na Bull Dog.

Mu mpera z’umwaka wa 2011, Ama-G The Black yongereye umuvuduko mu buhanzi bwe ubwo yakoraga indirimbo yise ’Igifu’, n’izindi nyinshi. Ibi bikaba byaratumye yongera kumvikana hirya no hino mu bitangazamakuru byo mu Rwanda.

Atangaza ko mu bahanzi akunda mu Rwanda harimo uwitwa Gloire wo mu Ruhengeri (ni uwmana uri mu kigero cy’imyaka 7) na Lil Ngabo (bita umwana muto cyangwa se inana ntoya).

Uyu muhanzi Ama-G The Black ahakana yivuye inyuma ko adakorera mu itsinda rya Imperial Mind State nk’uko hari abantu batangiye kubikeka nyuma y’uko bumvise indirimbo ye yise ’Nsobanukirwa’ ari kumwe na P’Fla ukuriye iri tsinda. Uyu muhanzi kandi avuga ko kuri we asanga mu Rwanda hari byinshi byakagombye guhinduka by’umwihariko mu njyana akora.

Avuga ko Bull Dog ari nk’umuvandimwe we, ntagire ibindi bisobanuro arenzaho.

Indirimbo Zikunzwe

1
Igifu - Ama-G The Black
2
Imbunda - Ama-G The Black
3
Ikariso y’Icyuma - Ama-G The Black
4
Kigali Ngali - Ama-G The Black feat Emmy, Puff-G na G-Bruce

Related Posts by Categories



Sem comentários:

Enviar um comentário