Reba Video

Reba Video

Urukundo

Mihigo Francois Chouchou

umuhanzi Mihigo Francois Chouchou

Mihigo Francois Chouchou, ni umwandisti, umucuranzi wa Gitari n’umuhanzi w’umuririmbyi. Mihigo yatangiye ubuhanz iku myaka 8.

Amashuri abanza yayigiye i Bukavu ho muri Repubulika iharanira Demokarasi ya Congo. Yaje kumenya gucuranga gitari biturutse ku kuba aho yari atuye mu muryango hafi ya bose bari batunze gitari kandi bazi kuzicuranga. Ku myaka 13, nibwo yigaragaje bwa mbere imbere y’abantu. Kuv aicyo gihe yakomeje gutera imbere mu buhanzi ari umucuranzi wa gitari muri Orchestre ya Shekeza i Bukavu.

Mu 1980, Migiho Francois Chouchou yinjiye mu itsinda ry’abascout, i Butare aho yatangiriye guhanga anahimba zimwe mu ndirimbo ze. Iri tsinda ryaje kubyara Orchestre yaje kwitwa Nyampinga, iza no kumenyekana hirya no hino mu Rwanda.

Kuva mu ntangiriro za 1986, yaje kujya kuba ku Gisenyi aho yashinze indi orchestra ayita Ingeli. Yaje no kujya muri Orchetre yitwa Impala yamamayemo cyane ari kumwe na Soso Mado, Kari wa Njenje.

Yakomeje gukora ibihangno bitandukanye muri Orchestre Ingeli kugeza muri 1990, ubwo habaga intambara mu Rwanda. Nibwo yaje guhita ajya gutura mu Burundi ahakomereza ubuhanzi bwe, ari kumwe na benshi mu bari bagize Orchestre Ingeli.

Mu mpera za 1991 yaje kuva mu Burundi yerekeza mu Burayi, aho yatangiye gukorana na Groupe ya Viva La Musica Feeling ya papa Wemba, Black Story n’izindi Orchestre zirimo iz’Abarabu.

Mu mwaka wa 1998, akiri mu Burayi yashinze indi Orchetre ye ayita Ingenzi, aho yakomeje gutumirwa nk’umucuranzi n’ushinzwe gutunganya amajwi (arrangeur).

Kuva kera yahoze yifuza kuzahura na Alpha Blondy, yakundaga cyane. Izi nzozi ze zaje kuba impamo ubwo yazaga kuba umwe mu bamucurangiye kuri album, anacuranga kuri album ya nyuma ya Magic System.

Muri iki gihe Migiho Francois Chouchou ari gukorera muri Orchestre yashinze, aho ari gukora album ye anakora amashusho y’indirimbo ze. Ubu akaba ari guteganya gushaka umufasha kurushaho kunoza no gutunganya ibihangano bye ndetse na Studio yakoreramo.

Bimwe mu bigwi bye :

- Ni umwe mu banyamuryango b’itsinda Mousta Largo, nk’umucuranzi wa gitari n’umuririmbyi. Ibi byatumye azenguruka mu bitaramo bitandukanye birimo ibya Francofolie ya Spa, Couleur Café, Iserukiramuco Mpuzamahanga (Festival International) ry’i Rochelles, Iserukiramuco Mpuzamahanga (Festival International) ry’i Louisiane (USA), Iserukiramuco Mpuzamahanga (Festival International) rya Montauban, Iserukiramuco mpuzamahanga rya mbere (1er Festival Internal) rya Maroc n’ibindi.

- Yabashije kuririmba imbere y’imbaga bari hagati ya 30.000 na 40.000, aho yari ari muri festival francofolie de Spa.

- Yabashije guca mu matsinda akomeye nk’iryitwa Viva La Musica Feeling rya Papa Wemba, Vaya Con dios n’andi.

- Ni umwe mu bahanzi bazengurutse ibihugu byinshi mu ma Orchestre ya Congo, mu Rwanda, mu Burundi, Mu Bubiligi, anagaragara mu njyana zitandukanye zaba iza gakondo nyafurika n’injyana zigezweho zo ku migabane itandukanye.

Aririmba mu ndimi 4 arizo Ikinyarwanda, Igifaransa, Ilingala, igiswahili. Uyu muhanzi ahimba ku buzima busanzwe aho atanga ubutumwa bujyanye n’ibyo abantu bahura nabyo. Yemeza ko buri muhanzi ashobora kumubera inganzo, aho avuga ko inganzo ye atayikomora ku bahanzi bakomeye gusa.

Related Posts by Categories



Sem comentários:

Enviar um comentário