Reba Video

Reba Video

Urukundo

Ruth Nirere Shanel aka Miss Shanel

miss shanel

Ruth Nirere Shanel uzwi cyane ku izina rya Miss Shanel ni umuhanzi w’injyana ya RnB, yibanda ku muco gakondo. Yavutse kuwa 26 Ukwakira 1985.

Biturutse ku nganzo akomora ku gukunda abahanzi nyarwanda nka kamaliza na Cecile Kayirebwa no kwiyumvamo impano y’ubuhanzi, Miss Shanel yaratangiye kuririmba bwa mbere mu 1998. Yari afite intego yo kugira uruhare mu guhoza abarokotse Jenocide yakorewe abatutsi mu Rwanda mu 1994 abicishije mu kuririmba. Icyo gihe yigaga mu mashuri yisumbuye.

Mu 2004, Miss Shanel yatsindiye igihembo ku rwego rw’Intara mu marushanwa ya Never Again. Indirimbo ze zagiye zishyirwa ku rutonde rw’izihatanira zashyizwe Salax Awards na PAM Awards inshuro nyinshi.

zimwe mu ndirimbo Miss Shanel yahimbye zamenyekanye harimo nka Ndarota, Nakutaka yakoranye na Wayre n’izindi.

Miss Shanel yatoranijwe kuba umwe mu batanga amanota mu guhitamo abanyarwanda bagombaga kwitabira amarushanwa ya Tusker Project Fame mu 2009-2010.

Uretse kuririmba Miss Shanel afite ibigwi no mu bundi buhanzi :

Kuri ubu Shanel amaze gukina film ebyiri Le Jour Où Dieu est Parti en Voyage (The Day God Walked Away) mu 2008, hamwe na Long Coat mu 2009. Iyi film yo mu 2008 niyo yamuhesheje gutwara igihembo cy’umukinnyi w’amafilm witwaye neza mu 2009 muri Thessaloniki International Film Festival yabereye mu Bugereki (Greece) hamwe no muri Bratislava International Film Festival yebereye muri Slovakia uwo mwaka, wongeyeho n’icyo yahawe muri Kenya International Film Festival 2010 (KIFF).

Uyu muhanzi aheruka muri Toronto ho muri Montreal na Ottawa muri Canada mu iserukiramuco ryitwa Harbourfront centre World stage Festival 2010-2011 Season I.

Mu buhanzi bwo kuririmba, Miss Shanel shugiye cyane ku gutunganya no kurangiza Album ye ya kabiri

Naho muri cinema, ngo arimo gukina film yitwa Grey Matter, kandi akaba ubu yarifatanyije na Isôko Theatre, aho baherutse no kujyana gukina “ The Monument”.

Related Posts by Categories



Sem comentários:

Enviar um comentário